Sajak-Sajak Dédén Abdul Aziz

800 559 Dédén Abdul Aziz

LUNTA KA KOTA HUJAN

Dina mangpirang catetan
Hujan lir jarum
Mitesan jariji jalan
Nyeuseup taman-taman kota

Hujan ngajak nyimpang nepungan
Genclang soca salira
Nu salawasna ngareumis
Dina sela-sela haté

 

LAMPAH

Pada-pada reureuh
Étalaseu langit
Jalan jeung lampu-lampu kayas
“Kabéh keur anjeun, Nona Hépi
Keur maturan waktu-waktu simpé!”

Dina lilikuran waktu nu kasorang
Urang tepung na sela-sela waktu
Jalan panjang
Nu tarahal

Nikreuh deui
Stasion pamungkas
Peuting jeung sora-sora peura
“Hayu cuang mulang, Mister Brown
Cuang ngareureuhkeun simpé!”

Lebah dada jeung tanaga nu beuki suda
Urang papisah dina sisi-sisi umur
Jalan panjang
Nu tarahal

 

KARANG POTONG

Nu lungkawing mah haté, Nung
Lain cadas nu salawasna nandonan galura lambak
Ngayun-ambing sarah ti kikisik kana keusik
Ditamping sagara

Urang ngalukis puisi na lalamping Karang Potong
Keur téangeun jaga, ceuk anjeun harita

Nu leuwih lungkawing mah panineungan, Nung
Lain haté nu salawasna pasrah nahan galura rasa
Ngagulanggapér kahayang ti mangsa ka mangsa
Ditundung karumasa

Puisi urang masih ngagurat di sela-sela Karang Potong
Keur ditéang ayeuna, ceuk kuring sorangan

 

WANCI RATRI

Peuting nu wening, Nung
Wanci nalika Wisrawa ngadadarkeun Sastra Jendra
Wanci nalika raga pahareup-hareup jeung sajatining raga
Wanci nalika sukma dalit miragasukma
Wanci nalika pukah sagala nu pangrusiahna

Peuting nu wingit, Nung
Wanci nalika salira nembrak pisan
Sabeuleugeunjeurna

Dédén Abdul Aziz

Dédén Abdul Aziz

Lahir di Cianjur, 28 Agustus 1972. Nulis sajak, carita pondok, éséy, jeung novel. Sawatara Karangan Dédén kungsi meunang panglélér hadiah D.K. Ardiwinata, LBSS, jeung Carpon Pinilih Manglé. Pangantén, buku Dédén nu munggaran dina basa Sunda dilélér hadiah sastra Rancagé. Buku kumpulan sajakna nyaéta Ibadah Daun.

All stories by:Dédén Abdul Aziz
Leave a Reply

Dédén Abdul Aziz

Dédén Abdul Aziz

Lahir di Cianjur, 28 Agustus 1972. Nulis sajak, carita pondok, éséy, jeung novel. Sawatara Karangan Dédén kungsi meunang panglélér hadiah D.K. Ardiwinata, LBSS, jeung Carpon Pinilih Manglé. Pangantén, buku Dédén nu munggaran dina basa Sunda dilélér hadiah sastra Rancagé. Buku kumpulan sajakna nyaéta Ibadah Daun.

All stories by:Dédén Abdul Aziz
Privacy Preferences

When you visit our website, it may store information through your browser from specific services, usually in the form of cookies. Here you can change your Privacy preferences. It is worth noting that blocking some types of cookies may impact your experience on our website and the services we are able to offer.

Click to enable/disable Google Analytics tracking code.
Click to enable/disable Google Fonts.
Click to enable/disable Google Maps.
Click to enable/disable video embeds.
Our website uses cookies, mainly from 3rd party services. Define your Privacy Preferences and/or agree to our use of cookies.
error: